ЯҢАЛЫКЛАР

Мөрәле авылы мәдәният йортында  1 ноябрь кичендә Илсаф  үзенең иҗатташлары белән Мөрәле авылы халкына зур концерт күрсәтте. Тирә-як авыллардан да килүчеләр күп булды.Залда алма төшәр урын юк иде.

18 октябрь  көнне Мөрәле авылы мәчетендә Сибгатов Фәргать  абый гаиләсе тарафыннан чалдырган  Корбан  ашы  уздырылды .Мәҗлесне авылыбызның имам хатыйбы Гыйбадуллин Галим абый коръән укып ачып җибәрде.Корбан ашына район башлыгы Альберт Илгизәр улы катнашты,ул авыл халкын бәйрәм белән котлады һәм үзенең теләкләрен җиткерде.

 10 октябрь көнне Мөрәле авылы мәдәният йортында 50 ел бергә пар канатлар булып гомер итүче Әдиятов Шафик абый һәм Назирә апалар, Тимершин Рәшит абый һәм Сания апаларга багышлап бәйрәм кичәсе уздырдык. Кичәгә Загс булеге мөдире Рафия Зәфәр кызы чакырылган иде.Ул парлыларны бәйрәмнәре белән котлады һәм район башлыгыгының Рәхмәт хатын тапшырды. "Алтын башак " агрофирмасы һәм Мөрәле авыл җирлеге исеменнән җирлек рәисе Ринат Рифат улы бүләкләр тапшырды.

2 август -җомга көнне,кадер кичөсенә каршы Мөрәле мәчетендә зурлап авыз ачу мәҗлесе үткәрелде. Көн яңгырлы булуга карамастан  әзерләнгән табын тулы, килүчеләр күп иде,Авылның имамы матур итеп вәгазьләр сөйләде.Вакыты кергәч авыз ачып,ризыклар ашаганнан соң ,коръән укылды, изге теләкләр теләнде .

6 март көнне Мөрәле авыл мәдәният йортында "Хәтерләүдән курыкма син, үткәнеңне онытма син!" исемле әдәби-музыкаль кичә узды Җыр,биюләргә бай кичә мәдәният йорты һәм китапханә тарафыннан оештырылды. Кичәнең төп максаты  тарихи мирасыбызны барлап , аны яшь буыннарга җиткерү иде.